Нацрт текст на НОВ Закон за акцизи; Неколку информации од нацрт текстот на Законот за акцизи: Во новиот Предлог Закон за акцизите патничките автомобили не се предмет на оданочување; Со новиот Закон за акцизи, малите дестилерии ќе плаќаат 50% од полната акциза по литар алкохол, а земјоделците мали производители – 8,5% од полната акциза по литар алкохол. Кај големите производители на алкохол акцизата останува иста; Со новиот Закон за акцизи се овозможуваат увоз и пуштање во промет на нови тутунски производи, како несогорливиот тутун, кои граѓаните не можеа да ги набават во нашата земја, па ги набавуваа од странство; Се предвидува акцизата за тутунските производи и алкохолните пијалаци да се плаќа со пуштање во промет на производот. Досега акцизата се плаќаше однапред, со подигањето на акцизните марки; Заради следење на увозот и извозот на струјата, природниот гас, јагленот, коксот и лигнитот, овие производи стануваат акцизни добра со новиот закон, со тоа што нивната акциза се одредува на 0%. Нема да има промени во цената на овие производи поради новиот Закон за акцизи. Нацрт Законот за акцизите и детали за процесот може да побарате на ПОВЕЌЕ.
Измени во матичната евиденција на индивидуалните земјоделци како пензиски осигуреници од 1 август 2018 година. Детали побарајте на ПОВЕЌЕ.
Примателите на промет во рамките на проект регистриран во СЕП и УЈП имаат обврска да водат ЕВИДЕНЦИЈА за примените сериски фактури со даночно ослободување за проект. За деталите види на ПОВЕЌЕ.
Јавните претпријатија имаат обврска за достава до основачот на тримесечни извештаи со финансиски показатели за работењето и обврска после нивното усвојување да ги објават на интернет страница (своја или на основачот). Детали побарај на ПОВЕЌЕ.
Иако најавени, сеуште не се донесени измените во Законот за банките со кои се предлага за целите на оданочувањето да биде суспендирана банкарската тајна за потребите на даночниот орган, а во функција на изготвување на Годишната даночна пријава за секој даночен обврзник-граѓанин. Деталите побарај ги на ПОВЕЌЕ.
Одложено воведувањето на ГПРС фискални апарати за таксистите до 31.12.2018 година. Деталите на ПОВЕЌЕ.
Со новите измени во Законот за трговија - „Законот“ (објавени во „Службен весник на РМ“, бр. 120/18), направени се одредени поволности за трговците на мало, во однос на продажбата на алкохолните пијалоци. Измените стапуваат во сила од 7 јули 2018 година (сабота), а се однесуваат на следново: Укинати се ограничувања во врска со времето на продажба на алкохолни пијалаци во малопродажните објекти во трговијата и укинати се ограничувања во врска со продажните објекти и условите во кои можат да се продаваат алкохолни пијалаци во нив. Пречистениот текст на Законот за трговија и деталите за новините побарај на ПОВЕЌЕ.
Со најновите измени и дополнувања на Законот за трговските друштва (усвоени на 26 јуни 2018 година, Сл весник 120/18), се бришат одредбите кои се однесуваат за тајните друштва. Измените се направени во насока на зголемување на транспареноста, намалување на можноста за даночна евазија и даночно затајување, потребно од достапност на информации за правниот или вистински сопственик на правните субјекти, како и потребата на даночната администрација да има пристап до тие информации, со цел истите да може да ги користи за свои цели и да ги разменува со другите даночни администрации. Пречистен текст на ЗТД и детали за новините побарајте на ПОВЕЌЕ.
За субјектите, мерките и дејствијате за откривање и спречување на перење пари и финансирање на тероризам, за забраната за плаќање во готово и за другите обврски што произлегуваат од Новиот Закон (Сл. весник. 120/18) прочитајте детали на ПОВЕЌЕ..
За потребите на македонските компании, кои известуваат кон странство, како и заради запознавање на субјектите од приватниот сектор со тековно важечките сметководствени стандарди во странските држави со чии резиденти деловно соработуваат, темата на линкуваниот текст е новодонесениот МСФИ 15 - Приходи од договори со купувачи, кој се применува од 1 јануари 2018 година. МСФИ 15 не е вклучен во Правилникот за водење сметководство, така што не е задолжителен за изготвување на годишната сметка и финансиските извештаи за македонските известувачки субјекти. Целта на носењето на новиот МСФИ 15 е да се подобри финансиското известување за приходите, така што со истиот се заменуваат неколку досегашни стандарди и толкувања, кои ја регулираа проблематиката за признавање на приходите. Појаснувањата и бројните примери за примена на МСФИ 15 побарај ги преку ПОВЕЌЕ.
